កាស៊ីណូគ្មានស្លាកយីហោបង្កប់ល្បែងសុីសងខុសច្បាប់គ្រប់ប្រភេទនៅច្រករបៀងទន្លេចាម បើកអោយពលរដ្ឋខ្មែរនិងជនជាតិវៀតណាម ឆ្លងដែនចេញចូលមកលេងល្បែងយ៉ាងគគ្រឹកគគ្រេង ខ្លះមានប៉ាស្ព័រ ខ្លះអត់ប៉ាស្ព័រ.!
ត្បូងឃ្មុំ ៖ប្រភពពីប្រជាពលរដ្ឋក្នុងឃុំជាំគ្រវៀន ស្រុកមេមត់ ខេត្តត្បូងឃ្មុំ បានឲ្យដឹងថា មានកាស៊ីណូមួយកន្លែងគ្មានស្លាកយីហោបង្កប់ល្បែងសុីសងខុសច្បាប់គ្រប់ប្រភេទស្ថិតនៅក្នុងឃុំជាំគ្រវៀន ស្រុកមេមត់ ខេត្តត្បូងឃ្មុំ បើកដំណេីរការអោយពលរដ្ឋខ្មែរ មកពីបណ្តាខេត្តនានានិងជនជាតិវៀតណាមឆ្លងដែនចេញចូលមកលេងល្បែងសុីសងយ៉ាងគគ្រឹកគគ្រេង មិនរំខានដល់អាជ្ញាធរនិងសមត្ថកិច្ចមូលដ្ឋានឡើយ។ ប្រមុខថ្នាក់ដឹកនាំដាក់បទបញ្ជាយ៉ាងក្ដៅគគុកដល់មន្រ្តីគ្រប់ជាន់ថ្នាក់ និង កងកម្លាំងទាំងបីភេទនៅទូទាំង រាជធានី ខេត្ត ចុះត្រួតពិនិត្យបង្រ្កាបល្បែងសុីសង ផ្សងសំណាងគ្រប់ប្រភេទគ្មានការលើក លែង។ដោយឡែកកាសុីណូគ្មានស្លាកយីហោនៅច្រករបៀងទន្លេចាម ឃុំជាំគ្រវៀន ស្រុកមេមត់ ខេត្តត្បូងឃ្មុំ បង្កប់ល្បែងសុីសង មាន់ជល់ បៀរ អាប៉ោង យូគីនិងល្បែងជាច្រើនប្រភេទទៀតបើកលេងយ៉ាងគគ្រឹកគគ្រេងរាល់ថ្ងៃនៅក្នុងកាសុីណូ មួយកន្លែងនេះដោយផ្ទុយពីច្បាប់អនុញ្ញាត។ ហេតុនេះសូមថ្នាក់ដឹកនាំក្រសួងមហាផ្ទៃ ឯកឧត្តម នាយឧត្តមសេនីយ៏ ស
